各位粉絲你地好呀,又係我可愛貓呀,喵喵!

估唔到在年三十晚,我突然間多左個妹妹呀...

我o既心情既開心又唔慣,開心既係以後又多一隻 Hello Kitty 陪我玩呀,唔慣既係,我個妹成日都同我搶鏡丫,自從她年三十晚 (2 月 2 日約 13:45) 岩岩出世後,我一影相,她就黐埋黎喇。

最唔開心既係,點解呢個妹仲高過我少少架?唔制呀!>.<

我個妹由於岩岩出世,所以她唔慣在咁多粉絲面前講野丫,咁我介紹下她先啦~

她在香港九龍灣德福商場二期裡新開的 PIAGO 百貨公司度出世架,體重同我差唔多,但係身高比我多 2mm 丫...
她最特別的地方,就係左耳戴住兩朶桃花,雙手抱住一塊金元寶,尾巴仲拖住一塊「恭喜發財」的軟墊添。
她的誕生係為左帶給主人在兔年愛情及財富的祝福架!

拆開膠袋影張全身照啦~

原來條尾仲拖住個啷啷架!又幾得意喎~~

我個妹仲未改名架,主人話等她呢幾日諗下先喎... 她叫乜野名好呢?
她係水瓶座架,唔知同我呢隻處女座的 Hello Kitty 岩唔岩 key 呢?

都話只要一玩開 beauty blog,就會永不翻身架啦!
主人就係俾一班靚女 bloggers 燒著左喇!

呢呢呢... 米色個件圓形的東東,咪就係呢期又新又好 hit 既 Bourjois Healthy Mix 乜乜果療礦物碎粉囉。
本來主人諗住剩係買碎粉架咋,但係 BA 姐姐話買夠 $300 就可以申請做會員,於是主人又順便買埋兩盒烘焙胭脂囉。
不過即時入會後,BA 姐姐仲送左一支 lip gloss 俾主人添呀。
埋單都係 $38x 咋,平均都唔駛 $100 件,係咪好抵呢?嘻嘻!

你地睇下丫,阿妹又黐埋黎影相喇,唔鍾意呀!
我要影單人相~~ 好野!影左 lu!^o^
看見呢盒主人新買的 Kanebo Lunasol 2011 春夏系列眼影,我都想學下化妝丫~

「家姐,妳唔好唔理我啦!最多我俾塊墊妳坐丫,等妳望落去高 d 呀!」
「好呀~~ 算妳啦!嘻嘻!」

哎呀,主人話我好污糟,要捉我去洗白白喎... [=V.V=]

好啦,我要去沖涼啦,咁我同埋阿妹代主人祝各位粉絲體力、精神、金錢、快樂、幸福,以及一切好事都「常滿」啦!

下次再見啦~ ^3^


Bel Bel 發表在 痞客邦 PIXNET 留言(0) 人氣()