Bel Bel's Lifebook ♥ 自言自語

想問下有玩 gym 的男士, 你地之前或者而家有無搵過健身教練做 personal training?

諗下諗下，今次我又做左條大水魚呀，唉，已經好窮架啦我，點解仲會俾人 sell 到？我而家真係想死！

話說, 上週末我去左舒 x 堡的 free 體能驗測加 consultation。

首先我填份表格，講下身體健康狀況、黎做運動的目的、身體有邊度痛呀咁。

咁我今次好衰唔衰，填左有肩痛的問題。 然後健身教練睇完我張表，講完一大輪野，便帶我去部身體測量機，度下體重、肌肉和皮下脂肪比例等。

結果其實都唔係太差，不過就測到我基層代謝率好慢，而且肌肉好弱，尤其係下半身 (所以容易肥)。

加上我坐著同健身教練面談的時候，我總是曲著身子地坐 (坐唔直)，而且又有肩痛，他解釋係因為我的肩及背部肌肉弱，所以比較容易勞損，坐著時又無力，所以需要加強肩背肌肉，方法係可以透過 weight training 來加強，同時透過 weight training 可以令我學習如何正確運用肌肉和糾正姿勢，以減少勞損。

他又問我平時去健身室運動的習慣是怎樣，我說只是跑步 30mins 或者跳健康舞 45mins，他便說由於我完全沒有做肌肉鍛鍊，加上我通常都是飯前才做運動，這時候做運動便只會令肌肉流失，但脂肪卻沒有減去。

而且他又說，增加體內的肌肉後，會幫到我增加基層代謝率，從而更容易減到肥。

之後，又根住教練的指示做一些動作，好像在有彈力的膠波上做 sit-up，我梗係做唔到啦，又做一些背部的動作，當然都係做唔到啦。

當然唔駛講，他梗係話我的身體需要去改善啦...

今次唔駛講，我又敵不過游說，而買了共 36 堂的 Personal Training。但俾錢個一刻到而家，我只有想死的感覺！T__T