剛在過去 20/5 (Fri) 的晚上,我去了銅鑼灣 SOGO 一趙,本來打算在半年一度的「感謝祭」裡買一對涼鞋及一對波鞋,但揀黎揀去都唔岩心水。

於是我又順便在 G/F 化妝品部八掛一下,當我經過 Kanebo 的 counter 時,便被廣告深深地吸引了...

於是,我便買了以下這 set ALLIE 防晒套裝了~~~

的確係「買大送細」!我只能講一句:「抵到喊!

各位估下我買左幾錢?

這 set 的確特價只賣 $260,一支 60ml 防晒 liquid 加送一支 25ml 防晒 liquid,另送旅行裝卸妝油及洗面膏各一支,已經覺得十分之抵買。

但如果我只係花了 $260,咁我就唔駛叫你估啦~~ 哈哈!(本文尾段開估)

圖中左邊 (藍色) 那支,是高度防水及防汗,最適合戶外活動使用。
右邊 (橙色) 那支,具美白功效。

這兩支防晒都是水般的質地,推開時感覺比 Sofina 的防晒稍厚少許,不過都很薄,塗後皮膚好像加了珠光般,很有光澤。
面部及身體都可以塗用,添加了保濕成份,而且可作為 make up base。

本來,我對最新出的 ALLIE 礦物防晒啫喱最有興趣 (下圖),兼具保濕、make-up base 及防晒功效,可是卻被我前面的大肚婆搶埋昨晚最後一支了,嗚嗚...

唔講得笑,當我落單的時候,同時見到有個女人一口氣買了五套 ALLIE 藍色 liquid 裝防晒。雖然我仲有一支防晒未開黎用,但見到咁平,尋晚唔入貨好似好笨好蝕底咁~ (而且呢 set 防晒只限 20/5 做特價,過左就無架喇。)

加上,感謝祭都可以使用 $100 coupon 的,那我用了一張 $100 coupon 來找數,所以我就只買了 $160,你話係咪抵到喊呢?

話時話,G/F 化妝品部係全場最迫爆的,BA 姐姐幫我拿信用卡去 cashier 找數,都等了半小時才拿得番張信用卡,而且隔離 Sofina counter 更要排隊買東西。無他,因為各大化妝品牌平日都不會有折扣優惠,但在 SOGO 半年一度的感謝祭裡,許多名牌化妝品都推出許多 set 裝大平賣,如果在這段時間入定貨,感覺上係慳左錢~


Bel Bel 發表在 痞客邦 PIXNET 留言(1) 人氣()


留言列表 (1)

發表留言
  • PUIKWAN
  • 今年無去sogo,自己好少一個人去cwb
    加上糧尾,更加唔去
    我好怕去人迫人地方,你呢set都好抵
  • 係呀, 呢 set 真係好抵~
    本來我都係諗住睇下有無平鞋執, 點知都係無。
    我本來都無諗過買防晒既
    有時買野就係咁
    想搵某樣野, 但行左成晚都搵唔到
    見到岩, 抵就想買

    Bel Bel 於 2011/05/22 19:54 回覆