人地個個去親戚屋企拜年,而我o地一家人就等親戚o黎拜年。

點解?因為我老豆無親戚,阿媽係娘家的大家姐,所以係她 d 細佬妹o黎探我o地。不過在呢五、六年o黎越黎越少年去拜,有個細阿姨因為同我老豆反左面,所以她以後都唔會再見我o地呢家人;另外仲有一個大阿姨多年前因病走o左,聽聞姨丈都住緊老人院;仲有一位阿姨就唔知點解好多年都失o左蹤,因為她連住址和電話號碼都改埋,所以無人可以搵到她。

之前我仲估阿大舅父會先來拜年,不過今年卻爆左個大冷門,就係細舅父一家人,在大年初一下午o黎我o地屋企,夜晚就去o左紫荊大酒樓食飯。

講起上o黎大家都無見幾年了,97 之後佢地又話自己好唔掂,所以都匿埋左好多年o架喇。阿舅父舅母日日揍外孫,都不知幾咁開心。表妹就苖條o左好多,仲要靚女o左。而已婚的大表姊和她老公,仲有好似未婚的二表姊就無o黎到。

大表姊個仔都成四歲,真係好精靈,因為咁細個就學呢樣、學個樣,所以大左應該會係「周身刀」。而家 d 細路仔係咁o架喇,無去參加 d 興趣班,搵小學個陣會好蝕底。雖然係辛苦 d,不過學下興趣班係有助訓練思考,同埋而家好多小朋友都係獨生仔女,上興趣班仲可以學下社交,第時大個o左就唔會做o左怕羞仔女,無論在邊方面都有幫助。

我諗未來的成年人 (即係而家的細路仔) 好多都好叻好醒,而呢班人的競爭將會越來越大,不過我諗佢地抵受壓力的程度應該會幾好,因為佢地自細就要面對種種壓力,例如忙碌、入學,及來自長輩的催谷等。


創作者介紹

Bel Bel's Lifebook ♥ 自言自語

Bel Bel 發表在 痞客邦 PIXNET 留言(0) 人氣()