話說我在上星期一旅行期間,在北京海淀區中關村某行人路行緊個陣,被條茂利架電單車輾傷我的左腳掌蹠骨,佢係我行行下個陣,架車開動的時候突然退後,所以便輾到我的左腳側。而家我的左中腳趾仲有麻痺,真係好擔心。

真係好無助,當時只懂大叫... 唔好問我點解無人陪我去旅行,唔好問我點解當時唔睇醫生。返到酒店個晚,左腳真係腫左,雖然行得走得,睇左四日跌打雖然消了腫,但係左中腳趾仲有麻痺,真係超擔心。

我真係好蠢, 為了幫某朋友影幾張相, 攪到自己而家咁... 雖然係自己唔夠小心, 個條茂利又粗心大意, 不過如果唔係為左幫某朋友影相, 等他回味下讀書時的開心事, 我就一定唔會準時五點鐘行去個條街, 而只會一直留在頤和園睇日落, 更加唔駛連續睇幾日跌打。

有時我會咁諗, 我對人好, 他會 appreciate 嗎? 還是我咁做係多餘? 因為自己朋友少, 所以有時會無意識地對人好, 都希望朋友會喜歡我多些, 唔好成日嫌我負能量多而離我而去, 而可以多點欣賞我的優點。

期間我好擔心, 醫藥費無錢俾, 又唔知去邊度醫至醫得好...

我今朝話想請假睇醫生,老媽子便罵我:「唔駛返工呀,因住俾人炒呀!...........」

返到公司,我同事叫我去急症室照下喎, 但要有心理準備要排好耐... 但去普通西醫, 佢地又只會求其寫封信叫你去第度睇...

講真,無人提我,我都唔知可以去急症室照下 X 光。

講真,我真係六神無主,呢幾日都好坐立不安,集中唔到精神,真係好擔心,另外又覺得對一個其實對自己唔算好好的朋友付出時間和腳骨力,去搵去拍下他想睇的地方 (那是他當年讀書的地方),而攪到我而家咁,真係好唔抵。

我最驚的係要做手術,咁真係有排攪,有排都無得返工,仲會駛好多錢。

真係好無助... 乜都要自己一個人去解決, 好孤單... 好煩。


創作者介紹

Bel Bel's Lifebook ♥ 自言自語

Bel Bel 發表在 痞客邦 PIXNET 留言(1) 人氣()


留言列表 (1)

發表留言
  • 路過^^
  • 加油呀!你已經做得好好啦!
找更多相關文章與討論