前幾日,我在 Facebook / Plurk / BL 分享了一件事:

「話說今日阿媽去黃大仙祈福, 原來今年新年去黃大仙的善信都會取得一張心願咭。由於每人只可拿一張, 所以阿媽在心願咭上寫了我的名字, 然後寫低我的心願 (包括有工作順利, 財源廣進, 身體健康, 同埋今年嫁得出等)。我聽了後, 便向她講聲「多謝」。但過去的我, 係唔知點解唔識親口向她講「多謝」的...」

你們看完後,有什麼感想?

結果當然引來部分現實世界的朋友、舊同事和網友的 feedback,不過從他們的回應中,原來講得中我真正想表達乜野既人,各位估下係邊個?

答案是:兩個是共事了十個月的舊同事 (其中一個仲要係簡而精地講中晒添!),一個是認識了不夠一年而只見過唔夠五次的 blog 友。

她說:「開竅喇~~~ 唔好俾佢停呀^^ 記住呢個轉變!!」

至於我真正想表達 d 乜?只係覺得自己改變了一點,明白到一切唔係老馮的,雖然我除左有阿媽和有份牛工外就乜都無,不過我都覺得自己都幾幸福,擁有這些幸福真的很感恩。^^

=================
另外,我講左一個短期目標後,仲講埋要實行呢個目標的原因,但係原來無論我講好多次,人地都係 get 唔到我真正想講乜架!我要做那樣,根本不是為了原因 A,而係為了原因 B,但係人地就以為係原因 A、C、D......etc.

可能大家價值觀相差太遠,所以人地係永遠 get 唔到我想講乜。

或者人地已經把自己的主觀意見 project 左落去,然後去給評語。

又或者我詞不達意,講 / 寫一大輪野,但係無人聽 / 睇得明。

前兩點我實在很難控制,至於第三點就係我的問題了。

我諗我需要去改進一下 presentation skills,又或者我雖然表面上鍾意長篇大論,但係內裡係好怕把最心底既話講出黎,所以講黎講去都講唔到重點。

大概我好想 protect 我自己,想讓人了解但卻害怕被傷害。

在 Facebook / Plurk / BL post 過那段文字,就好明顯係因為唔想表達最心底既話,所以有些人 get 唔到。

=================
題外話:

最近突然想起了中學時我的紀念冊,記得在最尾那頁自我介紹時,說到「我的志願」,便是做女強人。

如果「三歲定八十」呢個理論係成立既話,咁既然我中學時的志願係做女強人,咁又難怪我會對而家份工有點不滿既。

另外,一路以黎我都好想提供一個穩定的經濟給媽媽。我家自從我讀大學後便很窮 (原因不便詳述)。其實多年來事途不順,對我的經濟狀況影響甚大。

而且,既然感覺到工作不會有什麼發展空間,為何不可以在其他地方找出路?為何要死忍那份不適合的工作三五七年,為的是告訴僱主:「我做左呢份工好耐,所以我係個穩定既人」?

再加上無人養我,梗係做一份有發展空間的工作會較好呢,最低限度就係,就算 touchwood 突然無得撈,咁都唔會因為之前的經驗太冷門而好難再搵野做呢。


arrow
arrow
    全站熱搜

    Bel Bel 發表在 痞客邦 留言(0) 人氣()