2008 年 12 月 2 日

今日老闆們宣佈一個好壞的消息: 就係我公司就黎要執, 而我的 last day 係明年 1 月 31 日!!!

呢個決定係美國總公司的決定, CEO 話投資在做 development 的公司賺錢少, 但係將 license 賣俾大公司就賺更多喎, 所以就要摺香港的公司。

呢間公司真係好無良, 有錢賺仲要炒人。由今日起, 我絕對唔開再開 OT!!!

但係在呢個時勢, 我真係好擔心有排都搵唔到工做。

我呢世人已經經歷過第五次失業了, 點解上天要咁對我? 我剩係想穩穩定定咁過日子, 點解上天唔肯俾機會我? 唔通要我被追債俾人淋紅油, 個天先會開心?

唉, 好慘, 點解偏偏選中我?

好難得才遇到一個好上司, 一班好好的同事, 一份性質唔差的工作, 好可惜公司無良心!

今日和同事一起去食 buffet, 我食食下忍唔住大喊出黎 emotion emotion emotion, 然後有同事就過黎抱住我, 我地入左 toliet, 她仲不停地安慰我, 我在那一刻真係好感動, 真係好耐好耐都無人抱過我了。

我和其他同事都好唔捨得大家, 因為真係好難得呢間公司真係好似一個大家庭, 無政治鬥爭, 大家仲成日食零食, 有講有笑, 得閒仲一齊去旅行, 一齊去同事的新居度玩...

因為呢個突然的消息, 攪到我唔可以去單身 X'mas Eve Party, 又攪到我明年去唔到旅行! 呢間公司真係好能衰呀!!!!!!!!!!!!!!!

我真係好憎呢間公司呀!!!!!!! 今年 Annual Dinner 我唔去喇, 我寧願去某同事的婚宴, 起碼仲可以戥下人開心。

雖然有些同事都過黎安慰我, 又話我暫時無野做唔緊要, 屋企人會體諒我的。但係見到我老豆而家大小便失禁, 仲可能...... 我點會唔驚唔擔心?

相信, 我將會返回零朋友的日子了。我呢個失業怪, 係人都驚左我啦, 又好難怪某人唔要我既。


arrow
arrow
    全站熱搜

    Bel Bel 發表在 痞客邦 留言(0) 人氣()