收到貓比斯的 Blog Tag,為了呃 post,所以我接了,哈哈!

遊戲方式:

回答所有問題,並發一篇Blog在自己的網誌上!回答之前,請刪除一條你不喜歡的問題,另出一條問題代替;完成後,再點人繼續遊戲,並到這些人的Blog留言通知對方。

1) 你自己最大的缺點?
唔駛我多講啦,所以我刪去這條題目。

1) 你自己最大的優點?
都唔駛我多講啦,話明叫可愛貓,我最大的優點就梗係可愛啦!

2)你最鍾意什麼活動/運動?
同貓比斯一樣,係床上運動~~大覺瞓,一瞓就十二小時~ 喵~~

3)到目前為止,什麼令你最難忘?
最難忘都係去年今日,去足日本七日,睇左好多好靚的地方!

4)如果時間可以停止一分鐘,你希望停留在哪一刻?
一分鐘咁少架!咁我係呢一分鐘,走入去馬會投注站打劫囉,哈哈!

5)如果你走到人生的盡頭了,那在你人生最後的一段歲月,你會做什麼?
咁都要視乎我行唔行得郁喎......如果仲行得食得,我想去多一次旅行耶~ 否則我諗我都係等等等......等上天堂囉。

6)假如有一國家即時批准你擁有永久居留權,你想去邊個國家住?
我諗我會想去芬蘭囉,聽說那裡的人民生活悠閒,不過國家卻很富裕,失業率也不太高。

7)假如神仙比一個願望你,你想要什麼?(不可回答要多N個願望!!!)
我想拿六合彩頭獎的獎金,然後買大屋,駕靚車,養小貓~

8)最欣賞自己身體哪個部份?
手指甲啦!(得閒就 post 一張搽左靚靚指甲油的相啦)

9)人生最快樂既一件事?
便是可以和自己的親友彼此關懷和愛護了。

10.)最令你遺憾的一件事?
其實 so far 都無野令我遺憾既,反而令我後悔的事有許多,包括我寧願走去 repeat F.7,而唔去讀電腦系 Higher Diploma。(如果我讀了電腦科,我現在應該不會孤家寡人吧...)

11)如果你可以選擇叮噹其中一件法寶,你會首選邊樣?
其實我都唔係好記得叮噹有乜野法寶了......我剩係諗起「記憶麵包」,把麵包蓋在書本上,吃了後便會記得書本上的內容。咁我就唔駛化咁多時間去溫書了 XDDDDDD。

12) 如果可以讓你做透明人半小時,你會做什麼?
咁呀......都係去馬會打劫啦,或者去時裝店拿幾件靚衫走人~ XDDDDDDD。

 

然後,我便把 Tag 傳給豬豬Him小雞啦!


Bel Bel 發表在 痞客邦 PIXNET 留言(0) 人氣()