Bel Bel's Lifebook ♥ 自言自語

自從返左工之後都好忙，而且我的新課程又在上星期開始上課，即係話我一星期有三日都要返學，所以都無乜時間寫 blog 了。

雖然都就黎寫到第 300 篇文章，不過唔知幾時才寫到呢？

今日都係我第一日帶飯返公司的 lunch time，係而家先叫做有時間寫下無聊野。

有時又諗落，我個 blog 而家都無乜人睇，即使之前寫波寫得咁辛苦，都一樣係無乜人睇，咁我咁勤力寫 blog 做乜呢？不如把 d 時間用在 upgrade 自己仲好。

其實我想繼續寫箱根之旅架，不過返到屋企又無乜時間寫，在公司就算有一陣空閒，我坐的位置都唔係咁方便做呢類私人事。

有網友問我點解之前得閒在日間寫 blog，因為我上一份工，就係坐在好隱蔽的地方，所以做乜都無乜人會睇到。

都有朋友問我有無諗過出書，就好似某些 blogger 咁，因為咁就可以多一份收入 (雖然唔多，不過都叫做好過無)。不過，我都退出左球壇，睇黎下個球季都未必會重返球壇了 (因為空閒唔太多)，咁我諗都無乜機會在足球版度拿個專欄黎寫喇。而遊記呢？又好似唔夠特別，無乜賣點，唔似得幾個月前，三個年青男孩拿住好少錢就去日本的經歷咁特別。另外，又邊度有人鍾意睇一個充滿挫折但係又未成功的真人故事呢？

另外，而家呢份工，雖然忙，不過都幾悶。不過我諗悶有時都幾好掛？

有朋友問我最想做乜野工作，我咪話想做西洋占星家或者作家囉。好耐好耐之前我向同學講，如果大學有占星科或者玄學科，我會把呢科排在第一志願囉，其實當時我對大學咁多學科都無興趣既！只係當時抱著「人讀我又讀」的心態，諗住讀完大學就容易 d 搵工，人工又多些，點知我到而家都一事無成......

我諗如果在小孩時便培養到對某學科和某職業的興趣，對於他將來的選科會好有幫助，因為他會有更清晰的目標，知道在中學讀哪些科目。就好像我的中學同學，好細個就諗住做醫生，於是他便很用功地去讀理科，最後便成功入讀醫科了。

不過我諗我真正的興趣，以全職黎講都好難在香港搵到食了。做占星家的話，都要去進修下有關的知識的。所以暫時都係只可在正職上努力了。

近幾個月開始接觸「吸引力法則」的理論，便知道美好的事情只會發生在開心的人身上，即係首先要令自己開心，之後美好的事情才會降臨。

我都想開心下，不過看見自己的狀況還是不是那麼好，又再次唔開心了......