Bel Bel's Lifebook ♥ 自言自語

經過兩個多月的等待，今日終於找到工作了，雖然這份工作只是為期一個月，不過我會努力的。有工作總比坐在家裡等電話好吧。

剛剛看過某網友的 blog，知道他已經炒左老闆魷魚了，恭喜晒！他份工無雙糧，梗係走啦！

話時話，就算而家俾我搵到份 perm，九成九都係無雙糧或者係豬頭骨工作黎既。或者我可以自我安慰，而家搵唔到 perm 話唔定係好事黎......

============
其實我就黎返個份 temp 呢... 我初頭只係諗住練習下 interview skills，因為我在呢兩個幾月黎真係無乜工見，可能係同我個 d 垃圾 job experience 有關吧。

因為我就黎做個間公司，最近舉行招聘日，所以我咪 walk-in 去 interview 囉。我同埋另外幾個申請者坐埋一齊做 group interview，其實 interview 的問題好簡單，HR 都無乜點為難我地班 applicants，只要在 interview 時肯開口講野就實請咁劑，不過那時同我一齊 interview 既，差唔多全部都係大學生，佢地趁 sem break 時搵 part-time 吸收經驗。

(諗番起上黎，如果我以前讀個間大學，個 sem break 可以長達一個月既話就好 lu。)

另外班 HR 的辦事效率都算高，我地做完 group interview 後，HR 在幾分鐘之後，便會通知我們面試結果，同埋負責的職位。當然那些落選的申請人，HR 會推說「過多幾日便會通知你...」之類的說話。而我同埋幾個受聘的人，便在半個鐘之後，簽 contract 同埋影印 ID card copy。

之但係，呢間公司的 online job ad 都無說明請哪些職位。當我填完表之後，HR 問我申請哪個部門的職位，我只係隨口講：「有關 operation 或者 customer service 的職位。」而我最後就當然被指派到做 CS 的職位啦。當初點解我唔話想做 sales 呢？雖然做 sales 同埋做 CS 的人工係一樣既。

而呢份 temp，我相信我要在星期六日上班。希望公司可以安排到我在星期日返下午啦 (雖然填表個陣，已經講到明星期日早上返唔到工)，咁就唔會影響到我學日文的 schedule。

============
楂住個垃圾 degree 加埋垃圾 job experience，可以話係將自己的 career path 推向死路，在我搵工的過程，深深地體會到呢一點。不過，就算有個垃圾 degree，只要在搵到份工後，進修對工作有幫助或跟某行業相關的課程，相信對轉行會有幫助。可是，我之前的七年就係浪費在一 d 好無謂/對前途毫無幫助的工作和嗜好，所以搵工都有相當的難度。