Bel Bel's Lifebook ♥ 自言自語

今個復活節+清明節假期，仍然是大戰連場，我諗我呢幾日都睇過十幾場波，真係有種好濫的感覺。不過如果印象比較深刻的比賽，我諗係以下呢幾場啦：

雲達不萊梅 vs 紐倫堡
話時話，雲達呢期鬧緊入球荒，仲有高路斯已經有好多場無入過波喇。如果睇過呢場比賽既話，咁就可以睇到佢地的狀態係幾咁差喇。當雲達同紐倫堡的球員爭波個陣，佢地好多時都搶唔到架，同埋帶帶下波都可以甩腳既，下半場只靠後備的羅辛貝治入到全場唯一的入球，可能那班常規正選已經踢到殘晒掛，事關雲達今季的賽程都頗頻密，上半季忙著踢歐聯，最近便是歐協。睇佢地的踢法，為下場對阿爾克馬爾的歐協賽事留力又唔似，睇黎下場對阿爾克馬爾真係唔係咁樂觀。

維拉利爾 vs 馬德里體育會
馬體會的法比安奴艾拿在上半場的入波，相信已經成為眾球迷的熱門話題之一。因為當他接應隊友的傳球而跳頂的一刹那，維拉利爾有球員因為在之前的角球攻勢中，在門前受傷倒地。當時已經有維拉利爾的員舉手示意，或希望球證吹笛暫停賽事，便忘了馬體會其實正在進攻，更忘了去應付高空波。而馬體會的球員可能太過集中於比賽中，所以並沒有把球踢出界外，於是造就了法比安奴艾拿的入球。

講真，如果我係球員，都唔會白白浪費一個咁好的進攻機會，因為幫己隊爭勝是球員的職責，雖然我都覺得馬體會咁既入球有點勝之不武，不過為了爭勝，就算睇到有球員受傷倒地都當睇唔到啦，況且馬體會的球員也未必看到有球員受傷呢。

馬體會那令人爭議的入球片段：http://www.dailymotion.com/video/x1nw8c_villarealatletico-01-eller-season-2