正所謂「一命二運三風水」,既然咁多年黎小妹的姻緣運咁弱,先天八字改不了,咁不如搵間桃花屋住下,話唔定半年都唔駛,就搵到件好仔嫁出去呢。

原來我屋企係無桃花位 (某方位缺角),唔怪得我人緣又唔好,拍咁多次拖都好快散啦。

雖然大家都會覺得無拖拍唔關風水事,又會勸我出去識多 d 朋友,不過前幾年正當我花樣年華之時,個個週末週日都同朋友去玩,都一樣o係朋友堆個度搵唔到男朋友。

仲有我都想學下照顧自己。以前無機會住宿舍,都係我人生一大遺憾之一。

不過,搬屋都要駛好多錢架。雖然我可以搬去 d 樓價較低的地區,我都見過我住個區,有 d 400 呎左右的單位,私人屋苑,有 lift,約廿年樓齡,租金都係 4000 元度。弊在搬屋要預交三個月租金,仲有搬屋費用,仲未計傢俱......我諗都要先俾幾皮野出去。而家我要俾好多錢屋企人架,加上人工唔多,所以以我而家呢個身世,係連租金都俾唔起架。emoticon

所以......只要食到舊肥雞餐,搬屋呢個願望應該唔難實現。其實洗衫煮飯打掃等對於我黎講唔係大問題,問題係我將來的收入可否維持我的願望,同埋相信老豆老媽子知道我要一個人住,佢地實嘈到拆天。

所以,用錢就解決到既問題,其實根本就唔係問題。


arrow
arrow
    全站熱搜

    Bel Bel 發表在 痞客邦 留言(0) 人氣()