Bel Bel's Lifebook ♥ 自言自語

黎緊的星期日就係大年初一了，你，準備好未？

Bel Bel: 今日星期五年廿九，我公司無得放早呀。嗚嗚~ 你知啦，香港的天氣陰晴不定，咁早買定新衫，都唔知到時著唔著得.......死喇，我仲未買新衫過年，實俾老媽子罵死我！

同事A: 係囉！ 年廿九無得放早，我仲未得閒辦年貨......呀，樓下有間舖賣 d 紅酒好平，一陣 lunchtime 去入貨先......

尋晚坐係 Bel Bel 後面的乘客: 我仲買左件短袖衫過年添，點知又凍番，又要再買過！

我老豆: 係喎，我仲未剪頭髮！

我老媽子: 我年年都要煮蘿蔔糕過年，不過我仲未買蘿蔔。剩係大掃除都掃左成個禮拜啦！

唔理你準備好拜年的東東未，不過身為鮮奶住客的你，點都要響應下由 Oasis 發起的「豬年 諸事皆宜」的活動喇!

替自己選一句時令賀詞，祝福語句作為自己的留言名字。
例如：「新春大吉」「如意吉祥」又或是「名利相收」「不勞而穫」
但其實最好便是自創賀句，因為能令人從而感受到你的特別，你的心思!

起好名字，便先準備好一篇名為「豬年 諸事皆宜」的文章。
再把留言時的名字連結連上這文章，以方便被找到!

而內文方便，當然是由「你」去自由發揮，賀人纏人悉隨尊便。

我呢，已經準備好賀詞了：
格仔簿祝各位在豬年....
好似豬咁樣安安樂樂

安字曰︰健康平安
樂字曰︰心境快樂

你, 準備好向鮮奶鄰居拜個豬年未?