Bel Bel's Lifebook ♥ 自言自語

講起上黎我好耐都無係呢度講下波了。其實在格仔簿歇冬的期間，小妹都有睇波架，不過硬係無一場波係坐定定地睇足 90 分鐘，或者是即時收看的，好多時都係睇番重播，因為呢排都幾忙呢，而且而家份工又唔可以太夜訓。=_=|||

先講下聯賽盃的補賽︰利物浦 vs 阿仙奴。講起上黎，利記今季三戰阿仙奴都是全負，不過今場波真係令人歎為觀止，賽果是利記負 3:6，相信賽前無人會猜到阿仙奴會大勝一場吧！在呢場波兩隊都出了許多副選，其實多年來阿仙奴對於聯賽盃都唔太重視，出副選都是意料中事，但是利記出副選倒令人有點意外。

講起上黎，唔知點解呢排利記對親阿仙奴，後防都是如若無人之境，所以造就了阿仙奴小將們的入波機會，其中一個原因是今場利記可能求勝心切，所有的球員都上了前半場，當阿仙奴拿到突擊的機會，利記的後防便來不及回到禁區，而這場波的第一個入球，就係高路托尼在左路交個靚靚長傳給阿利亞迪尼射入第一球，兩位利記守將 (Peltier 和 Paletta) 無法追到阿利亞迪尼，真的望塵莫及。

自上半場末段阿仙奴的巴迪斯達射入罰球後，利記班後防無心戀戰，也許是他們出場經驗不多，承受不了打逆境波的考驗。另外利記都算黑仔，路爾斯加西亞同干沙里斯都在比賽中受傷了。

今場波巴迪斯達入了四球。其實我覺得巴迪斯達是一個好前鋒，而且又可以加添阿仙奴的進攻原素......希望他在未來的日子可以多 d 以正選上陣啦。另外久違了的辛特路斯的表現也越來越好了。

入球片段: 利物浦 3-6 阿仙奴 (一係入, 一係唔入)
聯賽杯 - 利物浦3:6阿仙奴 - 入球精華

仲有的是昨晚華倫西亞 vs 利雲特這場打吡大戰。利雲特在前一季曾經升上西甲聯賽，可是仍然逃不過降班的命運，不過今季利雲特捲土重來，且看他們來季能否留守西甲一席位。其實利雲特的鬥志幾可嘉，上半場兩隊的形勢差不多，不過華倫西亞的攻勢較有威脅，幸而利雲特尚能化解對方的進攻。始終華倫西亞整體的球員質素比較好，在下半場才三度射入利雲特的網窩。其中第二球，施華 (Silva) 交給摩連迪斯，他用他的右腳側輕輕地射入，看來帶點有意無意的，令我的形象都幾深刻。不過以前在貝迪斯頗有表現，今季轉會到華倫西亞的祖亞昆，今場卻不太突出，幾失望。

至於另一場西甲打吡︰愛斯賓奴 vs 巴塞隆拿，我只是在睡夢中，聽到足球評述員大叫︰「愛斯賓奴入了球，巴塞領隊列卡特黑晒口面！」賽果就是愛斯賓奴 3:1 勝巴塞隆拿！巴塞在攪什麼？有空的話我也想看看重播。