Bel Bel's Lifebook ♥ 自言自語

今晚的亞洲盃外圍賽，香港作客令人失望地吞了卡塔爾兩隻光蛋，再加上烏茲別克於同日作客 4:0 擊敗孟加拉，看來香港隊無機會出線了。

另外今晚的歐洲國家盃外圍賽的賽果都幾正路，大多傳統強隊都嬴到波。不過英格蘭輸左俾克羅地亞，在 forum 見到好多英格蘭躉都好失望呀。我都睇左呢場波一陣，覺得克羅地亞佔盡優勢喎。同埋英格蘭入的 own goal 真係好肉酸，加利仔把球回傳俾羅賓遜，羅賓遜本來想把球踢走，怎知踢了空氣，皮球就係咁 "look" 左入網。@_@

另一場直播賽事，波蘭對葡萄牙的賽果都幾爆冷下，比數是波蘭 2:1 嬴葡萄牙。施莫拉域為波蘭射入的兩球真係好靚。呢場波葡萄牙後防都俾左好多機會對方破門，米基爾包左 offside，裝越位失敗下又俾施莫拉域入第二球。其實波蘭入左兩球波之後，他們的防守都幾嚴密，葡萄牙都無乜機會埋門，就算 C 朗拿度在邊線斬波到底線，在遠柱位置的前鋒都 follow 唔到。不過在下半場補時階段，葡萄牙的紐奴高美斯接應森馬奧的傳球，終於追成 2:1。

(仲有既係好高興聽到丁偉傑評述波蘭對葡萄牙的賽事)