尋日做左燈神,推個兩場全負。咁各位路過的讀者要 bookmark 呢度喇,因為長買我對家一定幫到你買車又買樓!emoticon

今日試下出一場 J-League 的心水先,

就講下今日香港時間六點開波的千葉巿原對 FC 東京呢場波。千葉巿原近期主場的成認真麻麻,自上月 J-League 重開以後,兩場主場賽事都輸波,反而近期作客的成績比場佳,上週末在落後的情況下更反勝新潟天鵝 2:1。而 FC 東京更不濟,由於陣中傷兵問題嚴重自 J-League 重開都未嬴過波,近五場更失 11 球波,而且 FC 東京的領隊加路己被炒魷,並由球會 U18 教練倉又壽雄接捧,且看由新教練接捧後的成績如何。

雖然千葉巿原陣中的射手卷誠一郎及另外三位球員週中代表國家隊上陣,今仗未知能否上陣,不過古尼高域、夏斯及要田勇一等預料會上陣,攻力信得過。

翻番對賽往績,雙方近六場對碰有五次開大,事實上千葉巿原攻力強勁,所以經常出開入球大,另外澳彩開出千葉巿原讓半一,而且己經跌到低水,馬會的主勝己由1.65 稍落到 1.6 倍。

呢場波一於追入球大,而且千葉巿原主勝稍稍睇好。


創作者介紹

Bel Bel's Lifebook ♥ 自言自語

Bel Bel 發表在 痞客邦 PIXNET 留言(0) 人氣()