各位好,我係可愛貓,相信凡係我主人 Bel Bel 的粉絲都識我架喇,所以都係時候親自同大家打個招呼先~ 喵~~!

主人她好好架,她除左成日帶我出去食野同埋玩之外,間唔中都俾 d 好得意既野我玩架~ 呢支野係乜野黎架呢?佢識得照到我塊面發光架,好得意呀~~ =^.^=

唔經唔覺已經跟主人黎左香港三年了,今日係 9 月 22 日,除左係人貓兩團圓的中秋節之外,仲係我和主人的相遇三週年紀念。雖然我的朋友唔算多,不過主人一路都介紹 d 新朋友俾我識架。今年暑假,我又識左兩個 Hello Kitty 朋友,她們就係「御林軍」同埋「新娘子」啦~~ 啦啦啦~~


既然今日係中秋節暨和主人相遇三週年,所以上天早就預備左好多份禮物送俾我地~ 好開心呀!\^o^/ 原來中間藍色個支東東係 LASZIO BLUE 眼部精華黎架,主人話好貴架,係 BeautyLife 俾她試用架喎!


早前主人係頭 800 位幫 Maybelline 填有關眼睫毛的問卷,所以今日她去左朗豪坊的分店領取禮品一份:一支紫紅色的 lip gloss 同埋一支啡色的眉筆。


主人今年開始玩 beauty blog,識到一班美女 blogger,前幾日主人去左 PUF Facebook Page,拿左一包礦物粉 sample 返黎:


我大個女喇,所以見到其他 Hello Kitty 都搵到屬於她們的 Dear Daniel,我真係好羡慕呀。雖然主人今年話會幫我搵個男朋友,但係到而家她都仲未搵到呀... 唔知道我幾時至好似新娘子咁樣,著上靚靚的婚紗出嫁呢?


咁又難怪主人一路都未幫我搵個 Dear Daniel 俾我既,因為主人她都搵緊嘛,又邊度得閒幫我搵喎... 其實主人和男人去街食飯時,我間唔中都會跟埋去架。

在我見過咁多個主人的異性朋友之中,最令我傾慕既係灰帥哥,他留有鬚根,真係好 Man 架,他既識為人設想又細心,心思又細密,主人話他一定會搵到一個對他好好的女朋友的。


仲有愛瘋叔叔都唔錯,雖然佢無鬚根,不過個樣斯斯文文咁,為人成熟可靠,加上又了解我喎,真係好。主人話他好受女性歡迎架!


另外仲有個變態叔叔,雖然他成日帶我和主人食好野,不過他次次見到我都要欺負我,好可惡呀!>.<

至於其他主人的異性朋友,印象都唔係好深刻,都係唔講咁多啦。

但係,我最想見的卻係總係同主人「負負得正」的逸之先生。可惜主人去見他兩次,兩次都唔記得帶我出去,唔制呀!

死喇,爆左咁多主人的「秘密」,我會唔會俾她打我 Pat Pat 架?痛痛...

仲有,我真係好掛住我的家鄉日本呀... 唔知主人幾時會再帶我返家鄉玩呢?

講到呢度,我好眼訓呀,係時候訓覺覺豬了。祝各位粉絲「中秋節快樂」!


創作者介紹

Bel Bel's Lifebook ♥ 自言自語

Bel Bel 發表在 痞客邦 PIXNET 留言(0) 人氣()