Bel Bel's Lifebook ♥ 自言自語

平時 Bel Bel 在灣仔搭巴士返屋企，總會望見大馬路的這間樓上意大利餐廳 il Bel Paese，望落去環境好像不錯。我總是很想來這餐廳食晚飯，可是諗左好耐都未成事。

早排在灣仔工作完畢後，為了獎勵自己，便決定去 il Bel Paese 食晚飯，可說是一償所願了。

這裡令我覺得有趣的，除了餐廳，還售賣各式各樣的酒類，還有外國進口的新鮮肉類和芝士。

說實在晚餐的價錢不算經濟，Bel Bel 身為慳妹，所以揀 set dinner，set 已經有沙律或餐湯、主菜、甜品、咖啡或茶，已經相當夠飽。

之但係睇睇下 menu，又心郁郁想叫多碗湯，就係呢碗法式洋葱湯啦 (French Onion Soup $45)。

呢碗洋葱湯味道好清甜，所有洋葱的精華都餚入湯裡面，條條洋葱份量多又真材實料，雖然湯入面一塊肉都沒有，但係有香草的點綴下，再突出洋葱湯的甜。另外，上面的一小塊多士都好香脆。

Set dinner 的前菜是沙律或餐湯二選一，我選擇了食沙律 (Insalata caprese)，配有水牛芝士、新鮮蕃茄、沙律菜及橄欖等。尤其喜歡大大塊又厚切的水牛芝士，口感軟滑又幾彈牙，味道不濃不鹹，清清的很配合沙律的清淡，其餘蔬菜都相當新鮮，配上橄欖油，感覺相當健康。

主菜選了肉醬意大利闊條麵 (Tagliatelle bolognese)，上菜的時候是熱騰騰正在冒煙的，肉醬份量都幾豐富，加埋香草和芝士碎，蕃茄醬的味道都相當香濃。呢個份量一個人剛剛好。

麵條都煙煙靭靭幾有嚼勁。

跟 set 的甜品我不太有興趣，所以主動問了侍應有沒有其他甜品，他說不跟 set 的甜品只要加 $15 便可享用了，於是我叫了呢款幾特別的檸檬 Tiramisu，呢個 Tiramisu 放在甜品杯裡，賣相頗為精緻。

可可粉被加了少少檸檬味的芝士軟蛋糕取替了，下面的餅底浸濕了，雖無酒味，但好似海綿咁鬆軟的蛋糕和餅底，滲出甜甜的檸檬清香，好味！

餐茶叫了熱檸茶，檸檬和茶分開上，紅茶用壼載著，份量可以沖到兩杯的，都幾豐富架。

餐廳的燈光暗得來都幾柔和，環境都幾清靜，很適合一邊吃一邊聊天。

侍應們都幾 nice，不時都會主動過來加水，服務態度不錯，其中一個外籍侍應不時會主動問下客人的意見，相當熱心。我見到隔離桌有對夫婦慶祝結婚週年紀念，侍應便特別為他們準備了一件紅蘿蔔蛋糕特別版，上面放上紅蘿蔔絲做的玫瑰花，顯得很有心思。

這晚餐大約 $300，跟其他意大利餐廳差不多，以食物的質素來說都很合理。

il Bel Paese
灣仔軒尼詩道 99 號彰顯大廈 3 樓
Tel: 2529 2902
星期一至日: 11:30-21:30

Openrice 食評：
http://www.openrice.com/zh/hongkong/restaurant/156635

這裡有我 Bel Bel 的生活和好物分享~ 歡迎各位來探我喔~
♥ Facebook Fan Page | Instagram | Google+ | Openrice ♥
E-mail ♥ bforbel@gmail.com