呢一晚我和男朋友終於正式拖手拍拖拖啦~ 行完 PMQ 睇完熊貓,我們由中環搭船過黎尖沙咀,因為尖沙咀食野平 dd,選擇又多些。男朋友今次介紹寶勒巷 Ebeneezer's Kebabs & Pizzeria,呢間中東菜他食過都話唔錯喎,價錢又唔貴,於是我就跟住他黎啦。

我們去到都差唔多九點lu,舖頭都無乜人,我們一坐低無耐,就問下侍應有乜好介紹,侍應就介紹了辣羊肉俾我地,咁我又拍板叫多客咖喱雞肉,咁就好快叫左兩款咖喱了。

話時話七喜汽水真係太耐無見,所以我忍唔住要叫番罐先~ 都幾好飲架,係甜甜地又有少少檸檬味的梳打汽水,真係懷念。

咖喱雞肉(配白飯),咖喱汁橙橙地色,少少地辣,香香地,都幾好味,雞肉都頗為嫩滑。

辣羊肉(配薄餅),咖喱汁顏色和雞肉咖喱有少少唔同,睇佢係紅紅橙橙咁色,食落去我就覺得辣到跳舞,舌頭痺到阿媽都唔認得,食左兩啖,男友叫我唔好夾硬食,聽到呢度我覺得好 sweet~ 男友又唔想浪費食物,於是好努力咁全部食晒,雖然係食得辣之人,但見他食到滴晒汗,我都好戥佢心痛。

好彩男友叫左罐 Mountain Dew,飲左都可以解下辣既。呢款汽水據說來自美國,在香港超巿都唔係咁常見,我飲過一啖,味道都幾好飲喎,男友真係識揀野飲啦。

侍應幾乎全部都係印巴籍人士,好彩餐牌有中文啫。其實他們都有求必應的,上菜都幾快手。不過俾我男友呢個潔癖王,捉到 d 碟油笠笠,於是叫侍應換個隻,不過換左第二隻,都仲係有少少油笠笠,咁我們都費事換 lu,自己用紙巾抹抹就算了。

呢餐每人平均都係 8、9 十蚊,都幾抵食。

 

Ebeneezer's Kebabs & Pizzeria
尖沙咀寶勒巷 3 號萬事昌廣場地下
Openrice 食評:http://www.openrice.com/zh/hongkong/restaurant/27098

 

這裡有我 Bel Bel 的生活和好物分享~ 歡迎各位來探我喔~
♥ Facebook Fan Page | Instagram | Google+ | Openrice ♥
E-mail ♥ bforbel@gmail.com   


arrow
arrow
    文章標籤
    中東菜 清真認證食品
    全站熱搜

    Bel Bel 發表在 痞客邦 留言(0) 人氣()