心情唔好,一於度下波先......

布力般流浪 [0/+0.5] x 樸茨茅夫 [+1] x 畢爾包 [0/+0.5]

整條 3x4 ,睇下變波后定係燈后??

雷丁 vs 布力般流浪,雷丁主場三連勝,布力般今季作客唔得,在英超已經連輸兩場喇,雷丁只係讓平半低水,好著數喎。一於博一博布力般流浪 [0/+0.5]。

阿仙奴 vs 樸茨茅夫。今季阿仙奴真係好鬼,對住弱隊輸波輸盤,對住曼聯、車仔同埋利記都拿到分兼嬴盤。其實樸茨茅夫防守力唔差架,雖然話佢地傷兵滿營,不過上次作客利記一樣可以和到,同埋阿仙奴今年攻力無過去幾年咁好喇,可能今場樸茨茅夫會破數據,嬴番場盤都唔奇。

拉科魯尼亞 vs 畢爾包︰拉科魯尼亞近 8 場都嬴唔到波,狀態睇黎好差。畢爾包其實作客已經比前一兩季進步左少少,連作客華倫都可以迫和,雖然話佢地聯賽三連負,不過對手係皇馬、西維爾同埋今季唔再魚腩的愛斯賓奴。拉科讓平半睇落好似對佢地嬴波好有信心咁,不過拉科呢排都係信唔過,都係捧畢爾包比較穩陣。


Bel Bel 發表在 痞客邦 留言(0) 人氣()

尋晚睇過有線既《活得很滋味》,主持人介紹曼谷這地方。睇完先知,原來泰國好多地方都有英文既指示牌架......我諗就算自由行都唔怕蕩失路掛?? 睇黎泰國好似好好玩咁,原來唔只係做下 spa,見下白龍王,游下水晒下太陽咁單調架??? 其實去到剩係做下 spa 都抵,在香港做都要起碼千幾蚊一次,而在曼谷做會平好多,更何況個度 d 風景咁靚,又多好o野食同埋好多o野買。

點解今年 X'mas 我無選擇去泰國呀? (後悔中 emoticon )

Bel Bel 發表在 痞客邦 留言(0) 人氣()

以下文字節錄自新聞稿:

【香港‧2006年12月8日】電訊盈科今天宣佈,now寬頻電視奪得深受球迷歡迎的足球盛事2008歐洲國家盃在香港的獨家播放權。

根據該項獨家播放權,電訊盈科將透過旗下的多個服務平台,由2008年6月開始播放16支歐洲勁旅,於奧地利及瑞士舉行的31場賽事。now寬頻電視會透過電視頻道及寬頻電視「自選台」,將這些精彩球賽獨家帶給觀眾,該公司同時亦獲得流動通訊及互聯網的同步播放權。

最多港人收看的英超,及四年一度的足球盛事歐洲國家盃都被 now! 奪得獨家播放權。將來西甲、德甲、意甲,甚至最曯目的世界盃,會否又被 now! 拿埋直播權呢?

一般球迷只會睇 ESPN、ESPN Plus、StarSports、StarSports Plus,及據聞明年 now! 會成立類似有線的英超台,但是 now! 有像有線自家製作的娛樂及資訊的節目嗎?如果只有足球節目,及來自外地電視台的節目,各位認為值得付 now! 多少月費呢?真的希望可以收到確實的收費詳請,因為網上的傳言實在太多了。

其實許多球迷關心的只是月費問題,而不會擔心家中能否安裝 now! 電視,因為據說 now! 的覆蓋範圍很廣,而 now! 在覆蓋網絡方式也比有線做得好。

還有,某些有線頻道的訊號不太穩定,例如球彩台,畫面經常「窒下窒下」,好多時睇此台的直播球賽時真係睇到「火都黎埋」!

題外話,小妹也曾經多年使用有線寬頻,但兩年前因忍受不了網絡服務經常斷線,所以轉用 now! 寬頻了,事實上 now! 寬頻的質素比有線寬頻更穩定。加上我的月費更包括了 ESPN、ESPN Plus、StarSports、StarSports Plus,和一些我一家人不會看的頻道,只是要簽約 18 個月罷了。如果兩家供應商的月費相差不遠,各位消費者會怎樣選擇呢?

講黎講去,球迷始終是兩家公司爭奪直播權的大輸家,我們可憐的忠實球迷,如要合法睇直播便要向兩家公司交月費,我們的支出便增加了。唉,只怪有線不思進取,又唔夠財力和實力跟電盈對撼啦!

Bel Bel 發表在 痞客邦 留言(0) 人氣()

期待佢地兩隊今晚一齊打假波,一齊和波出線!Yeah~

賽後感:
果然如許多球迷所料,雙方都唔太積極去進攻,踢法感覺上很悠閒而非常保守。不過既然和波對於雙方都有利,雙方的球迷又點會介意呢場悶波呢?
其實真係無乜o野好講......

Bel Bel 發表在 痞客邦 留言(0) 人氣()

今日好眼訓呀!不過小妹都想趁 lunch time,講下昨晚巴塞對雲達個場波先。

講真呢兩隊波我都幾鍾意架,不過佢地只能活其一,我覺得真係可惜呀!

巴塞無論在進攻或防守方面都比雲達優勝,而巴塞的勝出是在許多球迷的意料之事。

我睇車仔的比賽時,都無見過古莊臣咁扭得既,尋晚見到佢在禁區內扭過幾個雲達後防,真係嘆為觀止!仲有朗拿甸奴個腳地波罰球都射得唔錯,雲達班人牆點解會跳起既?如果唔跳起或者個球唔會入都唔定......同意黃興桂的意見,雲達在輸左第一球波就自亂陣腳,有種任人魚肉的感覺 ~_~。至於第二球由細哨策劃,交俾古利,然後古利傳中古莊臣射入,充份表現出巴塞的團隊精神及默契。

雖然我只係睇左上半場 (中場休息時我睡著了),不過我嫌巴塞的入球來得太早了,攪到太早分出勝負。昨日平日的雲達不見了,攻不銳也守不穩,點解雲達唔一早同巴塞鬥攻呢?

Bel Bel 發表在 痞客邦 留言(0) 人氣()

雖然事隔一星期,不過既然之前我話過我想講番關於傑志 vs 和富大埔的感受,咁我就一定會寫的。

自從和富大埔升上甲組後,便引入了許多外援,呢場波他們的兩個入球,都是由隊中兩位外援包辦的。無疑增兵會有助加強其實力,不過我又覺得他的的鬥志也很可嘉,好像在下半場他們被傑志球員佔盡優勢,但是他們仍然好努力地做好防守。

那日我偶然地坐在和富大埔街坊們的打氣區,雖然人數不多,但也感受到他們對愛隊的愛護和支持。我也有幸地見到和富大埔的班主在比賽後,親自走到觀眾席和大埔的街坊致謝。他說︰「很多謝大家的支持,不過球隊還未脫險,我們會繼續努力的。」那時我感到,和富大埔的球員,領隊,和大埔的街坊球迷之間,有一種與別不同的親密感,總是覺得那種親密感跟南華球隊和 fans 之間是有分別,但是又唔知點形容那種分別。

另外,和富大埔嬴波後,看見連 ESPN 也為其領隊做訪問,幾威!

Picture
和富大埔 (紅色球衣) 在下半場補時階段的罰球,一射入網!

Picture
和富大埔嬴波了,球員和教練都興奮莫名!

Picture
和富大埔的球員跑到觀眾席,向各支持者致謝。

Bel Bel 發表在 痞客邦 留言(0) 人氣()

可能近呢一兩年經濟改善左,所以 X'mas 假期期間好多人都出外旅行,而好多自遊行 package 都 fully booked 喇。三年前我係在 X'mas 期間去台北,在 12 月初才訂機票酒店咋!可想而知今年 X'mas 將會有好多港人出國旅行。

我本來諗住 24-28/12 出發去東京、吉隆坡、新加坡,不過我在今個星期先開始問價,而好多 agent 的回應,以上所有地點不是無機位就係二人同行的 package 才有位 (所以話做單身少姑婆真係慘!)。

好想去馬來西亞或者新加坡食o野呀~
好想去東京 Disney 呀~
嗚嗚~~~~emoticon

如果我肯跟團既話,或者仲有得去既。不過自從我的第一次單獨旅行跟鴨仔團之後,我發誓以後都唔會一條友參加旅行團。

不過幾經辛苦,今日我終於訂了機票和酒店了,咁我的悠長假期總算不至於太浪費。哈哈。至於我將會去邊?請讓我賣個關子先,去完返黎先話你知,嘻嘻~ :D

東京..... 都係等到櫻花盛放的時候才去......
馬來西亞新加坡......都係等我搵到志同道合的伴侶時才去......唔係得我一條友點食得晒咁多o野?

Bel Bel 發表在 痞客邦 留言(0) 人氣()

傑志對和富大埔呢場波好好睇呀,而呢場波的高潮在下半場臨完場前,大埔在臨完場前一分鐘在蛾眉月頂射入罰球反勝呀,Yeah~!

和富大埔要繼續努力啦!

本來想講多 d 關於呢場波o既o野,不過一返到屋企,我的傷風又復發了 (好辛苦emoticon),加上要睇曼聯對車仔呢場大戰,所以過多幾日先再講啦。請諒。

Bel Bel 發表在 痞客邦 留言(0) 人氣()

漢堡又輸多一場了!今次是 1:2 反輸給拜仁慕尼黑。點解漢堡上屆登上德甲聯賽第三位,今季卻折墜到降到聯賽榜尾二的位置呢?除了今季漢堡的傷兵一大籮而影響成績外,或者各位可以從這場比賽中找到答案。

在上半場初段,漢堡搏得一個十二碼,領先 1 比 0︰迪米捷利斯禁區內踢跌辛洛高,雲達華治操刀射死角入網。拜仁在落後雖然積極反撲,但卻做不到有威脅的攻勢。到了下半場拜仁換入迪斯拿後,漸漸地取得中場的優勢,而他們後來追和甚至反勝的兩球,都是憑這位剛復出的迪斯拿舖橋搭路。

拜仁追和的一球,是因為漢堡的後衛們裝越位失敗,他們好像觀眾那樣,只是站著看馬卡爾接應迪斯拿的傳中,然後射入自己的龍門。拜仁追和後,更加得勢不饒人,而原本鬆散的漢堡後防雖然努力在後半場守住,可是仍然無法抵擋拜仁的狂攻。最終比沙路在禁區內接應迪斯拿的傳中波,一射破網,協助拜仁反勝。

漢堡在臨完場前本來有扳平的機會,年輕的前鋒費寧加 (Fillinger) 在禁區內遠射,僅僅掠門而過,可惜。

事實上拜仁自換入迪斯拿後,他們中場的組織更為緊密,不過漢堡看來陣中缺少了攔截力強的防守中場,而無法截停拜仁的攻勢。另外,漢堡的入球能力和防守意識仍然有待改善。

Bel Bel 發表在 痞客邦 留言(0) 人氣()

小妹曾經是城大的學生,由於校舍位於巿區,所以出外午膳也很方便。同時也親自目賭過城大食肆的變遷。

記得小妹讀 Year 1 的時候,經常聽聞師兄師姐常常讚嘆不已的螢光咖哩飯,可惜這個傳說中的城大螢光咖哩飯,小妹卻「無」福消受了。雖然那時舊式 canteen 仍然健在,但是由於菜式選擇太少,只有不多於五款飯盒可供選購,所以我和我的同學不是寧可上六樓的餐廳,便是到附近的南山邨的大排擋《樹記》,或者搭地鐵到旺角食午飯,而 canteen 只是用作討論功課之用。

到了 Year 2,城大對面的又一城開張了,同年城大 canteen 的承辦商也轉予給美心集團,除了 canteen 的桌椅全部更換外, canteen 的食物款式質素也大大地改善了,價錢也比又一城的 food court 便宜,環境也比舊 canteen 舒適,所以我和同學們也多了留在 canteen 吃午飯或下午茶。可是在六樓的餐廳,也開始改建什麼中國文化中心了。

而同學們常到的又一城食肆有 M 記、家鄉雞、Delifrance、和在頂樓的 food court 等。

不過最令我深刻的,便是又一城內的百佳超級廣場的小食了。那兒有一盒盒的壽司、燒雞脾、香腸、蛋撻和麵包等。不知為什麼我總是對百佳的小食情有獨鐘,當我一個人的時候,我經常都會在那兒買點小食,然後到附近的歌和老街公園,享用我的午餐。

城大是一間自強不息的大學,每日都不斷進步。我自畢業後便沒有回母校了,只知道我剛畢業後一年,城大宿舍建好了,真羡慕!不知道城大的 canteen 變成怎樣呢?

Bel Bel 發表在 痞客邦 留言(0) 人氣()

早前因填了 she.com 的乜乜最佳化妝品選舉,而被抽中「福袋」禮物包一份。聽來以為禮物包物品也不錯,不過今日領取了禮物包後,卻有點失望。

我的「福袋」有︰

Picture

1. 章子怡賣廣告的噴霧型美髮水試用裝四盒
(雖然我 d 頭髮又黃又乾,不過我朝朝都趕住出門口,連頭都無時間吹,仲邊有時間噴呢 d o野?)

2. 「真乾淨」免沖水洗面液試用裝三支
(我都用過,有時都幾o岩我好累時用,真係抺兩抺便乾淨晒)

3. Lux Super Rich 護髮素
(最o岩用都係呢樣)

4. 經痛貼三塊

5. 以優惠價 $288 享用 Oasis 總值 $1,288 的面部和身體護理
(唔會用)

6. H2O+ 免費秋冬滋潤手部護理及皮膚分析
(H2O+ 係我的其中一間美容專門店黑名單)

7. she.com 黑色環保袋一大個

上到 she.com message board,有 d 人拿到乜乜 Biotherm,有 d 又話拿到 eye shadow,有 d 仲拿到 Avene 的乜乜護理優惠,好羡慕啊~~ emoticon 不過有禮物都好過無啦。

Bel Bel 發表在 痞客邦 留言(0) 人氣()

我o岩o岩發覺,我四周圍搵左咁多足球片,原來未睇晒o架!?

幾時有得放大假呀?我諗我可能好快就有得放「悠長假期」了,

如果真係會放「悠長假期」,咁我應該會睇得晒所有搵番o黎的片...... 仲有,我諗我會日日做運動,為求瘦身成功。

如果真係放了「悠長假期」,我希望有機會轉行,不再做和現在差不多的工作。

Bel Bel 發表在 痞客邦 留言(0) 人氣()

歐聯分組賽 G 組的出線形勢仍未明朗,在第五輪賽事之前,阿仙奴,波圖和莫斯科中央陸軍都有出線的機會。

阿仙奴明日如能在主場擊敗漢堡,下一場作客守和波圖,加上莫斯科中央陸軍明日在主場贏到波圖,那麼阿仙奴出線的機會相當大。但是,世事是否會那麼完美呢?

阿仙奴今季的主場仍然保持不敗,不過他們面對弱旅,經常都和波而回。阿仙奴舊有的小組滲入的進攻模式,只要面對弱旅們 9-0-1 的密集防守,便減低入球的機會。另外,一群小將們不擅打逆境波都是不能致勝的原因。加上隊中近期有路斯基、雲佩斯和加拿斯受傷,進攻的板斧又少了一瓣 (主場對利記那場,三比零那球是由加拿斯射入的),也為他們的後防線帶來一點隱憂。幸好亨利終於回來了,在上仗對紐卡素的表現很出色,期望他對漢堡的表現都咁好。還有剛傷癒的龍格堡、上場沒有上陣的基拔圖施華,今仗也許會復出。基拔圖施華的復出應該可減少後防的壓力,而龍格堡可當後上支援前線的角色。

至於漢堡,相信季前無人會料到他們的成績如此不濟吧。今季聯賽他們只是作客嬴了利華古遜,其餘不論是歐聯或本土聯賽,不是和便是輸,狀態十分低沉。其實他們自開季不久,隊中便不斷有人受傷,所以唯有抽調一些經驗不足的後備和丙組北區的隊員上陣。隊中近期的傷兵有中場蘇連 (Sorin) 、左閘甘賓尼 (Kompany)外,另外兩名後防萊因哈特 (Reinhardt) 和迪美 (Demei) 也繼續養傷,影響其後防線的穩定性,在近 13 場聯賽的賽事中,共失 15 球,平均每場都要失一球。不過可幸的是在上星期四,兩位後防馬達維基亞 (Mahdavikia) 和艾杜巴 (Atouba) 開始跟大隊操練,預計作客對阿仙奴上陣不成問題,有助防線的穩定性。前線方面,巴巴斯的離隊令漢堡失去進攻的重心,雲達華治自傷癒復出後,狀態還有待提升。看來漢堡的攻力在短期內也不會有所提升。

既然漢堡在歐聯四戰全負,連爭第三名拿歐協入場劵也沒機會,相信他們已經放棄今場賽事,寧願專心打護級好過。以漢堡現時疲弱的攻力,看來不會對阿仙奴的門前製造太大的威脅。所以今場波,預計阿仙奴取勝不難。

Bel Bel 發表在 痞客邦 留言(0) 人氣()

Picture

昨晚雖然下著滂沱大雨,而且有點冷,不過小妹仍然到了旺角大球場看亞洲盃外圍賽:香港對孟加拉的賽事。因為港隊領隊黎新祥、蔣世豪和李偉文,賽後便會離隊了。

結果香港憑著卓卓上半場接應羅志焜的傳中,頭鎚頂入破網,與及下半場卓卓親自操刀的十二碼,以 2:0 擊敗孟加拉,以勝利送別黎新祥,和兩位隊員蔣世豪和李偉文。

Picture

雖然下著大雨,但仍不減在場球迷對港隊的熱情,大家都撐著雨傘吶喊支持,而且更有一些印巴籍的男士到場,似乎是支持孟加拉吧。球員在天雨下,發揮確是有點影響,不過港隊是踢得較主動的一方,而孟加拉的球員雖然想做好防守,可是他們的球技比港隊的更差,不單止一個正式射門也沒有,連控球在腳也很難做到。

另外,港隊中場也沒有組織,雖然黃鎮宇上半場的表現不俗,他在右路多番出波傳中給陳肇麒和卓卓,為孟加拉的守將帶來不少威脅,可是前鋒陳肇麒經常在門前錯失機會,而今場的兩個入球都只是靠死球和十二碼,可見港隊的攻擊力比較疲弱。話雖如此,他們也盡了力,也不負眾望地嬴到最後的外圍賽賽事。

Picture

卓卓射十二碼


還有,孟加拉球員經常「扮o野」,有時和港隊球員碰撞後,便躺在草地上扮傷詐死,但救護員過到去又無事。當下半場孟加拉正選門將在門侵犯陳肇麒而被逐離場的時候,那正選門將遲遲不肯離場,領隊也遲遲不換入後備守門員,於是港隊 fans 一起喝倒采,站在我後面的男孩子當看見正選門將離場時,更揶揄地大叫:「Welcome to Hong Kong!」

港隊的 fans 在拍掌呼喊打氣之餘,大家都期待看見蔣世豪為港隊最後一次上陣,更經常大呼:「黎祥快 d 換豪豬(蔣世豪)出o黎!」可惜等到最後,豪豬還是沒有出場。

比賽完結後,黎祥上前和眾球員拍拍肩膀,慶祝贏波,他更繞場一週,接受觀眾的拍掌及歡呼聲,以感謝大家對他的謝意,畢竟他多年來帶領港隊可謂盡心盡力。

黎新祥,多謝你!

Bel Bel 發表在 痞客邦 留言(0) 人氣()

電訊盈科今日正式宣佈奪得英超聯本港獨家播映權了。

(摘自星島日報即時新聞 11月 15日 星期三 03:30AM - 挫敗有線 電盈15.6億播英超)
消息人士料,電盈付出的轉播費用將達兩億美元(約十五億六千萬元),未來每月的英超轉播費用便高達四千三百萬元,以NOW有二十萬用戶訂購,每戶成本最少要二百元。

雖然小妹是 now! 的訂戶,表面上對於我來講沒有影響,不過如果來季我想透過 now! 睇英超,我會否需要付費?因為我的 subscription plan 只包括 ESPN,Starsports 和 ESPN Plus,及一些我們一家從來不會收看的新聞台等。既然電盈以天價投得英超直播權,以「羊毛出自羊身上」的道理,舊的訂戶想睇英超是否要額外付費?另外,新客戶的月費會是多少?很多球迷也很擔心呢。

其實對於有線來年再沒有英超賽事直播,我覺得幾可惜。雖然我還是喜歡聽黃興桂和江忠德的旁述,但有線一直以來在足球賽事的宣傳做得很好,許多足球大賽的宣傳短片都很有創意,令人印象深刻。偶爾還聽到劉舜文和其他評述員為英超唱的口水歌,很有趣。 當然還有球彩台那班如 friend 一樣的主持,在電視見到他們一面講英超,一面講無聊o野,都幾開心o架!

當有線沒有英超的時候,現有的評述員和足球節目主持人,哪些會被 out 或過檔到其他電視台呢?

延伸閱讀︰
壟斷的競爭 (ohcl的足球部落格)
Cable英超皇朝的終結 (一係入,一係唔入)

Bel Bel 發表在 痞客邦 留言(0) 人氣()

昨日在上一篇文章係咁易推利物浦不敗......

唔知點解覺得.....我又會再燈一次

阿仙奴岩岩在外地由讓平半轉讓半球喇! 不過馬會就一路 keep 住讓半球超高水。咁即管睇下邊個莊開得準。

既然已推利記不敗,咁順便推埋和波啦,因為阿記主場未輸過。

(added on 1:43 a.m.)
小妹又再次不惜背負地獄燈后之名emoticon,成功詛咒利記,仲幫埋自己愛隊嬴波!
阿仙奴嬴左 3:0,well done emoticon

Bel Bel 發表在 痞客邦 留言(0) 人氣()

今日二揀一,就係留在家中看 J-League,或者到旺角大球場睇港甲。結果我還是選擇看 J-League 的直播賽事︰浦和紅鑽對橫濱水手,賽果是浦和紅鑽小勝 1 比 0。

講真我有少少後悔無出旺角場睇波呀......

呢場波無我預計中咁好睇,浦和紅鑽現在排在聯賽榜首名,可是今場並表現不到其皇者風範。小野伸二的缺陣對於紅鑽的中場組織有好大的影響。有點覺得好似睇緊港甲咁,紅鑽今場的中場無乜組織,成日就咁吊個高波上前面。而水手的前鋒真係唔多掂,成場波都做唔到乜野有威脅的攻勢。不過防守方面紅鑽同埋水手都做得幾好既,回防都幾快架。其實全場最好睇就係臨完場前 10 分鐘左右,水手不停係咁攻,紅鑽就全軍塞晒在禁區防守,紅鑽的 fans 在那一刻也許很緊張吧。

在螢光幕所見,紅鑽主場的氣氛確是不錯,許多主場球迷都穿上紅色的主場球衣,站起來拍手、唱歌、高舉橫額打氣,在球場的欄杆也掛滿球員名字的橫額。不知將來在港甲的比賽裡,我們有沒有機會見到這種情景呢?

另外明日阿仙奴對利物浦,我估利記作客不敗的。希望利記唔好俾我「燈」到啦!

下星期三晚上八時正在旺角大球場,將會上演香港對孟加拉的亞洲盃外圍賽賽事。雖然香港隊出線無望,不過如果閣下身為香港足球的支持者,當晚會入場為港隊打氣嗎?

Bel Bel 發表在 痞客邦 留言(0) 人氣()

Picture

舊中環天星碼頭,定於 11 月 12 日關閉了,一幢具六,七十年代特色的建築物也將要拆卸,真是可惜。

今晚,我到中環天星碼頭拍照留念,然後偶爾懷愐一下吧。

新天星碼頭會搬去 IFC 後面,似乎要花多一些時間步行到中環各大寫字樓了。

又再諗起我的 ex 了...... 這裡是我們初次約會的等候地點......咁都好,拆左舊天星碼頭,就少左一樣野俾我諗番起佢......

另外仲有其他天星碼頭的相片,請移玉步去呢度睇啦。

Bel Bel 發表在 痞客邦 留言(0) 人氣()

小妹隨著工作環境的改變,連睡覺的習慣也變得「早睡早起」了。

我最近試過在剛剛吃完晚飯後 (約 8:30p.m.),便倚在牀頭處睡著了,可能我還未適應 6:30 a.m. 便要起床的生活吧。 (有點覺得自己像一頭豬,怎麼辦? )

而我睡醒的時候,多數都是凌晨兩至三時。據說肌膚的更生週期是在每晚的十一時至凌晨二時,所以許多專家都建議女性在這段時間睡覺,便有助肌膚保持最佳狀態。

這樣的作息時間似乎對於我來說都不錯喎,因為休息的時間剛好在肌膚更生週期以內,睡眠時間剛剛足夠,而且我一覺醒來便有足球直播賽事可看囉,多好!就算沒有球賽,我也可以寫寫 blog,看看錄影了的電視節目啊。

可是太早睡覺有個壞處,便是容易長胖了,那是因為飯後與睡前之間的時間,並不足以消耗之前所吸收的能量。還有,當我要開 OT,回到家時已經不只是 8:30 p.m. 了。

Bel Bel 發表在 痞客邦 留言(0) 人氣()

今日覺得好頭暈,明日真係唔想返工 emoticon

睇睇下韋斯咸對阿仙奴,上半場真係好悶,加上我又頭暈暈咁,於是訓左一陣,不過差唔多臨完場個陣,我俾韋斯咸希活的入球和球彩台主持的叫聲吵醒了!阿仙奴連續三場嬴唔到波,今場又係作客對曼城的翻版 - 輸鬼埋!emoticon emoticon

我覺得阿仙奴的踢法俾好多球隊睇通晒,只要佢地在門前塞滿晒後防,便可以攔截阿仙奴的小組推進。

可能阿仙奴需要一些柱躉式的球員,製造多些角球入波的機會。同埋路斯基唔該練好 d 遠射,次次見親你射門都唔知射左去邊o既!

以上咁既說話,我諗如果 post 上去阿記 forum,實會俾人插死。其實呢度人流唔多都有其好處......

廷伸閱讀 - 往年的阿仙奴去了哪兒?

P.S. 呢兩日 d 賽果好驚嚇喎,里昂,車仔都輸波........

Bel Bel 發表在 痞客邦 留言(0) 人氣()