Bel Bel's Lifebook ♥ 自言自語

最近香港發生許多事情，攪到我都少了出街食晚飯，但生日飯每年得一次，朋友話點都要請我食生日飯，於是我們就決定近近地在屯門的象泰食泰國菜了。

呢間餐廳週圍佈滿許多泰國民族畫，裝飾都充滿泰國風味。

餐牌裡的菜式選擇都很多，除了傳統的泰國菜式，還有一些印度和越式美食可以選擇喔，價錢都幾實惠。

今次得我和朋友兩個人，看見咁多選擇，真係有種眼闊肚窄的感覺。

最終我們選了三款美食，再各自叫一杯飲品。

金柚子蝦沙律，蝦好大隻又彈牙，睇見都覺得好吸引。柚子絲和越式魚露、紅椒、蒜片等混合一起，味道酸甜之中帶點微微香辣，感覺開胃又惹味。

印度薄餅 (2 件)，口感外脆內軟，仲帶有陣陣牛油香，咬落去覺得好煙靭，食了好多塊卻唔會覺得油膩。可惜今晚我們人少叫唔到咖喱，否則我覺得點埋咖喱汁食會仲滋味。

泰式菠蘿海鮮炒飯，份量好多好大碟~~ 成個菠蘿蓋加藤碟夠晒泰國古式風味~ 用料都相當豐富啊，有青口、肉鬆、大蝦、腰果、菠蘿肉、魷魚、雜菜粒、提子乾等。

炒飯用了薑黃炒過，口感乾身又香口，肉鬆和提子乾更為炒飯帶來乾爽和甜甜的層次感，相當推薦！我們兩個人食到好飽，幾乎食唔晒，下次最好三個人以上一齊分享啦。

青檸梳打，難得送來一支梳打水，把杯內的青檸汁混和，味道清甜又涼快，好似飲緊汽水咁但又無汽水咁甜，成支梳打水份量又多，食了熱氣嘢後再飲，覺得幫我舒解了熱氣的感覺。

朋友叫的椰汁冰，她覺得味道不錯。

象泰呢間餐廳就在我屋企附近，味道價錢和服務都令我滿意，下次有時間都會再來啊。

象泰
屯門屯門鄉事會路 112-140 號雅都花園 1 樓商場 118-127 號舖
營業時間：11:30 - 23:00
Openrice 食評：click here

Facebook

Bel Bel:: 悟是女神．美魔女

Instagram

Openrice食評

這裡有我 Bel Bel 的生活和好物分享~ 歡迎各位來探我喔~
♥ Facebook Fan Page | Instagram | Openrice ♥
E-mail ♥ bforbel@gmail.com