Bel Bel's Lifebook ♥ 自言自語

難得有一日公共假期，咁我就 update 下格仔簿先。

我支 Covermark 粉底終於都用完了，咁我就可以有藉口試新粉底了。今次買 Armami 還是 Ex:Beaute 好呢？聽講呢兩隻粉底都好好用喎。

我有 d 同事都岩岩走埋 lu，仲食左個好肥美的肥雞餐。我都好想快 d 食肥雞餐呀，我好肚餓呀，因為我想做 MTS (一個收細面上凹凸洞的療程)，不過做一次 MTS 都至少要 $3000，好貴呀，仲要係做幾次先會有改善架。

其實上個月，我為了參加某徵文比賽，所以咪唔得閒貼文囉。可是我個腦同埋肩膀又唔爭氣，除左靈感不足之外，右肩成日都好痛，所以最後都係寫唔切。

過埋今日的公共假期後，大家要等到九月尾先再放公共假期了(中秋節翌日)。不過對於我黎講，呢 d 人月兩團圓的日子，無假放仲好，講真我放假咪又係同平時一樣，而人地個個都係同伴侶一齊過架啦。

其實識一個鍾意睇波的人唔難，識一個肯陪我食飯既人難，識一個合得來又有共同人生目標的人很難，識一個願意愛我一生一世的人係非常難。