眨下眼又到 8 月 19 日了,今日係英超開鑼的大日子呢,無論各位球迷賭波又好,唔賭波又好,都好期待英超的再現,因為好多人都係車仔,阿仙奴,利記同埋紅魔鬼的 fans 嘛!等我都趁下熱鬧,講下今晚的心水先。

首先講下紐卡素韋根的賽事啦。翻查紐卡素的開 League 戰的往績,近 8 次開 League 戰,他們只是嬴過一場。要留意o既o係,喜鵲周中要在主場對雲特史比斯,踢歐協外圍賽的次回合,要小心佢地會留力呀。至於韋根在近過去 7 場季前熱身賽的表現不俗,5 勝 2 和,近態睇黎幾好咁喎。

至於盤口方面,澳門初初開出紐卡素讓半一的數據,不過在今日下午已經回飛回到讓半球中水。而馬會就一直開出讓半一超高水。

我覺得紐卡素今晚信唔過,一於撐韋根不敗!

另外一場阿仙奴對阿士東維拉,阿仙奴在主場對維拉的往績係嬴晒既,不過佢地搬左去阿聯酋球場,或者有人會覺得阿仙奴班球員未必適應場地。加上後衛辛特路斯肩膀有傷,上陣成疑,而蘇金保也已離隊轉投樸茨茅夫,艾殊利高爾和雷耶斯因轉會問題未解決,今場預計不會上陣。預計今場年輕的阿仙奴後衛佐羅與托尼在中路搭檔。

既然阿仙奴後防有隱憂,如其博主勝不如博入球大。


創作者介紹

Bel Bel's Lifebook ♥ 自言自語

Bel Bel 發表在 痞客邦 PIXNET 留言(0) 人氣()