Bel Bel's Lifebook ♥ 自言自語

某晚和女性朋友在元朗食完拉麵後，因為我們女仔的「第二個胃」仲未飽，於是我提議行去蜜密食靚靚的甜品了。

呢晚雖然係星期二，但係都差唔多坐滿人了，好彩入面仲有兩個位俾我地。

上次我來已經係半年前了，到而家都仲好記得上次無食到的綠茶心太軟。於是，今次我就叫了和風抹茶心太軟配軟雪糕 (豆腐味)。

心太軟都做得幾挺架，裡面的綠茶漿流晒出黎都仲未塌下，之但係蛋糕都做到外挺內鬆軟，而且都好有綠茶的甘甘澀澀的味道，不甜，偶爾吃些不甜的甜品都不錯丫~ 圍住綠茶心太軟有幾粒細細的日式糯米糍，粘粘的淡淡的又幾煙靭，撈埋綠茶漿來吃都幾滋味。此外配上清甜的豆腐雪糕，兩者味道相當匹配，心太軟和雪糕交替地吃下去，既可令綠茶的澀香更顯突出，雪糕也可中和一下澀澀的味道。

伯爵茶焦糖燉蛋伴鮮菓拼雪糕 (雲呢嗱味)，賣相讓人感到很豐富。

燉蛋上面塊焦糖做得幾薄脆，燉蛋都幾香滑，還有少少的伯爵茶味，跟原本甜甜的焦糖塊混在一起，就唔會變得過甜，都幾岩唔鍾意食太甜的朋友。雲呢嗱雪糕係稍為實一點，不過都幾香甜幾滑，然而呢晚天氣熱，但係雪糕都唔會好快溶，雪糕的質地都幾適合炎炎夏日。

甜品伴有新鮮水菓粒：有西瓜、奇異果、芒果、士多啤梨和提子等，味道鮮甜又多汁，比起以上甜品的甜又清新一些。

今次再來，甜品水準仍然 keep 到，真的令我們再三回味。

蜜密 Honey Secret
地址：元朗鳳攸東街 9 號好順意大廈 B 座地下 15 號舖
營業時間：星期一至日 15:00 - 00:30

Openrice 食評：
http://www.openrice.com/zh/hongkong/restaurant/176557

這裡有我 Bel Bel 的生活和好物分享~ 歡迎各位來探我喔~
♥ Facebook Fan Page | Instagram | Google+ | Openrice ♥
E-mail ♥ bforbel@gmail.com