近年成日和朋友出去食了許多不同的美食,有時都應該陪媽媽出街食下飯,不過媽媽只愛粵菜和中式點心,所以我在 ig 見到朋友去過元朗老點食飯既相,覺得 d 點心都幾得意,於是就帶媽媽黎試下啦。

雖然舖仔細細,不過座位都係梳化椅,坐得都幾舒服的。

和其他茶樓一樣,先在點心紙上點菜,然後廚房便即叫即做,點心上菜的時候,是新鮮滾熱辣的。

首先我揀既,就梗係人氣 No.1 的吾係老點小漢堡。兩件迷你漢堡用牙籤插住固定就唔會散開,中間塊肉用蝦餅代替牛扒,件蝦餅仲有幾隻蝦仁添,真係好滋味!仲有配上日式 Wasabi 味芥末醬,不太攻鼻卻老少咸宜,但令整件小漢堡的味道畫龍點睛。

戚風班蘭馬拉糕 - 綠色的馬拉糕整得好鬆軟,有好香的班蘭葉和少少椰香味,兼且比一般的黃色馬拉糕還要香,媽媽一路食一路讚不絕口~

好靚既咸香黑魚子燒賣,上面有粒粒黑魚子,仲有幾隻大大隻蝦仁,豬肉也鬆軟,仲有啖啖油香,好味丫。

竹笙棉花雞 - 雞肉都幾大塊,肉質相當嫩滑,仲有啖啖雞油就更加滑溜丫~ 魚皮都好鬆軟好 juicy 啊。

蟲草花雞砵仔飯,份量雖一人份,但飲茶梗係好嘢要同家人分享啦!上面有幾條蟲草,當堂成碗飯矜貴左,細細條幾爽口幾好味丫。件件雞肉嫩又滑,雞汁溶入在飯粒度,唔駛落豉油都已經好鬼香,有少少似海南雞飯。

高湯魚翅灌湯餃,好大隻湯餃,裡面都好多肉,除了豬肉,還有幾粒蝦仁、帶子和魚肚,湯底混有魚翅和瑤柱,味道都幾甜美。

差唔多食完既時候,見到隔離位的「一口隨意小甜點」賣相幾得意,我們就叫了芒果味和薄荷椰汁味啦。細細地的布甸仔用小砵仔裝住,上面仲有個笑臉好可愛。芒果味比較甜,仲有好多粒粒芒果肉在底。薄荷椰汁味布甸上面,有粒精緻既朱古力及杏仁碎點綴下,涼浸浸薄荷味之中加入少少椰汁甜味,感覺都幾清新。

雖然這裡沒有自選茶芥,不過他們提供的茗茶都相當香醇,甘澀得來相當好飲。

我覺得呢度賣的點心是由廚師精心設計過,同出面一般食到既好唔同,特別得來都好好味。不過由於座位較少,繁忙時間可能需要等下位啦。

 

老點點心砵仔飯
元朗康景街 23 號華恩樓地下 B 舖
電話:2327 0999
Openrice 食評:http://www.openrice.com/zh/hongkong/restaurant/436050

 

這裡有我 Bel Bel 的生活和好物分享~ 歡迎各位來探我喔~
♥ Facebook Fan Page | Instagram | Google+ | Openrice ♥
E-mail ♥ bforbel@gmail.com   

 


arrow
arrow
    文章標籤
    飲茶 點心 酒家 元朗
    全站熱搜

    Bel Bel 發表在 痞客邦 留言(0) 人氣()