這日下午來到荃灣 8 咪半，諗住去樓上的宜家傢俬逛逛，不過咁岩我行到 1 樓，經過這間日式手作意粉餐廳 Kuru Kuru，於是便決定入去吃點東西。
最近新出了 2 款意粉 menu，都係做緊試食價 $48，看來都幾抵食。今次我決定要試試賣相看來很吸睛的「蟹棒蕃茄忌廉」。
店內環境都幾雅緻，光線明亮，感覺幾舒服，尤其牆壁的意粉製作程序，感覺都幾生動有趣。
Kuru Kuru 的意粉每天都由擁有 30 年經驗的日本職人新鮮製造，相當具誠意。
這裡的意粉均採用意大利生產的粗粒小麥粉及 100% 橄欖油，並且用攪拌器製作，令麵條更具煙靭度，口感更順滑。
午巿套餐價加 $12，便可額外享用沙律、餐湯及飲品，另外我又叫多一碟小食，所有食物放在一枱，感覺相當豐足呀。
這天的餐湯是蕃茄湯，看起來湯底質感較稀身。
但蕃茄味道適中，味道不錯，不會過甜或過酸。
沙律
午巿套餐再加多 $3 便可選購一杯特飲，今次叫了這杯菠蘿果茶。果茶冰凍涼浸浸，茶味濃香回甘，亦有許多菠蘿肉平衡到甘甘的茶味，咬下去鮮甜多汁。
另外因為這朝沒有吃早餐，太肚餓的關係，便叫多一碟小食 - 炸茄子配自家制肉醬。茄子雖然被炸過，但難得留有茄子肉汁，口感既香口又帶點鮮甜。另外炸薯角都幾香脆內軟。
茄子沾上香濃的肉醬後就更加惹味了。
蟹棒蕃茄忌廉意粉，整隻蟹蓋舖在上面，造型的確吸睛又生鬼。
這個蟹蓋有一對圓圓的眼睛，感覺很可愛呢。
原來這個蟹蓋只是做裝飾，裡面的肉已經洗乾淨。
蟹棒的味道相當鮮甜，意粉稍扁及粗身，每條意粉都掛上蕃茄忌廉，濕度及酸甜的味道恰到好處，亦難得留有煙靭彈牙口感，而且比其他吃到的意粉，更多了幾份清甜的蛋香，感覺都幾特別。雖然稍嫌麵條黏作一起，吃的時候較難散開，但整體的味道依然很美味。
Kuru Kuru 自家製手作意粉
荃灣青山公路荃灣段 382-392 號 8 咪半 1 樓 120 號舖 (港鐵荃灣站 A3 出口, 步行約 7 分鐘)
營業時間：12:00 - 21:30 (Mon to Fri) / 11:30 - 21:30 (Sat & Sun)
Openrice 食評：click here
Openrice食評
這裡有我 Bel Bel 的生活和好物分享~ 歡迎各位來探我喔~
♥ Facebook Fan Page | Instagram | Google+ | Openrice ♥
E-mail ♥ bforbel@gmail.com
留言列表
健康纖體 (6)
