阿仙奴開 league 後的表現無疑令人失望。他們分別以 1:1 媾和阿士東維拉，及作客 0:1 敗給曼城。
睇見呢兩場波阿仙奴的進攻，發覺中前場好想組織一些漂亮的攻勢，好多時亨利在禁區帶住個波，他都唔會直接起腳，而係交波俾雲佩斯，艾迪巴約等去埋門，似乎亨利開始轉型，做一個在中前場「分波」的角色。不過希比，路斯基，扭到入小禁區又唔肯起腳，跟住俾人搶左個波。
亨利近期狀態低沉入唔到波，同埋阿仙奴近期黑仔，射親門都中柱，都係令球隊嬴唔到波的原因之一。不過阿仙奴近期的進攻過於迂迴，想將個波搓到最華麗才肯起腳，可是呢個時候已經俾對方的後防睇通條路，而成功把皮球搶去，導致阿仙奴無法入波。阿仙奴在進攻上太過追求完美，也許是阿仙奴今年既缺點。
當年令我傾心的阿仙奴水銀潟地的足球去了哪兒呢？我諗過如果當 fit 的龍格堡，皮利斯，柏金，雷耶斯都在陣的話，做出同樣的組織便會入球。時移世易，除了要給予時間阿仙奴一班小將去磨練之外，我想他們有必要踢得直接點了。
全站熱搜
留言列表
健康纖體 (6)
