Bel Bel's Lifebook ♥ 自言自語

呢日中秋節公司收早，但是屋企仲未開飯，咁我先去旺角食d小食頂下肚餓先。
行下行下，俾我發現到呢間韓國正宗街頭小食店 BBOKKI，睇到 menu 上的小食似乎幾特別，於是就走埋去叫少少嘢食下。

舖頭的背景版同埋透明玻璃，都寫滿了韓文和塗鴉，都幾有韓國街頭 feel 喎。

本來諗住叫一兩件小食，但看完 menu，好多野都想試，於是越叫越多添...

最後我一口氣叫了四種小食，而韓國人店員有條不紊地，逐份逐份地為我送上每一款小食。

呢條用好長的竹籤串住一塊長長曲曲的麵筋，名字叫做奧丁，並且放在湯碗裡，賣相又幾特別喎。

奧丁食落去有點像中式麵筋和豆卜，皮稍厚而且非常彈牙，還帶有些微香辣味，原來碗裡的湯亦有少許辣椒，湯的味道清甜之中亦帶微辣。

多哥池 (年糕串) ，黏滿了芝士和甜醬的年糕，用紙碟裝住，唔怕醬汁滴到周圍都係。

年糕串口感煙煙靱靱，沾滿了麥芽甜的醬汁和黏黏的芝士，真的非常惹味。

醬烤雞 (加芝士)，淋滿了芝士醬的烤雞塊，感覺太邪惡了！

用醬油烤過的雞塊都幾鮮嫩多汁，味道甜甜的帶點微辣，雞皮亦都相當香脆，加埋芝士醬汁，味道變得更濃香，即使後來稍為攤凍了，凝固了的芝士都有其煙靭，咬下去的雞塊，芝士味道都相當濃郁。

彩虹沙冰，三色的沙冰用透明密實膠袋裝好，顏色鮮艷，賣相幾特別，吸睛度滿分所以呃了不少朋友的 like！喝過後發現口感細緻幼滑，每一層顏色各有不同的甜味，味道相當多元化，而且吃了一堆熱氣微辣的小食，冰涼清甜的沙冰實在不可缺少。

P.S. 店內只有極少量座椅，建議在店外或帶去附近球場進食。

BBOKKI 뽀끼
旺角登打士街 55 號
Openrice 食評：click here
 

Facebook

Bel Bel Loves Sharing

Instagram

Openrice食評

這裡有我 Bel Bel 的生活和好物分享~ 歡迎各位來探我喔~
♥ Facebook Fan Page |  Instagram | Google+ | Openrice ♥
E-mail ♥ bforbel@gmail.com