天水圍 T-Town 可以話係區內其中一個美食天堂，我在天水圍返工，間唔中都會和同事一起來這裡食飯。
幾個星期前我又和同事去 T-Town 食飯，今次俾我們發現到一間泰國菜館 - 亞萊泰，在天水圍的泰國餐廳都係寥寥可數，心感非常難得。
餐廳內的環境相當寬敞舒適，在牆壁上有三隻泰國大象，感覺都幾有泰國 feel。
每次來到我一定會叫的泰式沙律，鍾意佢夠酸酸甜甜。今次叫的是金柚子沙律，用一個青木瓜盛起，灑了許多粒粒花生、紅辣椒、蒜蓉、莞茜等，賣相很豐盈美觀。柚子沙律既多汁，味道都相當鮮甜，還帶有少少香辣和青檸香，酸辣度洽到好處，加上花生的粒粒香脆口感，令整體的味道相當豐富。
我只係在泰國食過一次的生蝦，今次難得又重逢了~ 呢碟泰式生蝦，生蝦夠晒新鮮又鮮甜，配以香濃的小辣椒、蒜和泰式汁料，亦增添了啖啖刺激的辣香，非常惹味。
另一款久別重逢的泰國美食 - 椰汁芒果糯米飯，更是我當年去泰國旅行的至愛！估唔到奉上此菜的時候，杯底冒出很多煙冰，感覺好似浮雲仙境，如夢如幻，未食已經先要影相呃 like！
糯米飯滲滿甜甜潤潤的椰汁，粘糯度剛剛好，一啖鮮甜可口又軟糯的糯米，一啖酸甜清新的芒果，經煙冰冰鎮過後，更覺清涼透心又滋味。
野味豬肋骨，豬肋骨都用竹葉扎好，企立式地奉上，賣相都相當顯心思，而且都用竹簽串好，進食起來都相當方便，豬肋骨肉質鮮嫩多汁，並且帶有香濃的燒烤汁，點些香辣的特色泰汁便更加美味。
這個煙冰菠蘿，亦都是店內的驚喜之作！整個菠蘿剛奉上後，蓋邊便滲出陣陣冰煙，感覺都幾夢幻。
菠蘿盛載著許多炸咕嚕肉、菠蘿，青椒、紅椒等，還有乾冰，為本來熱騰騰的熱食，巧妙地變成一道透心涼的菜式！裡面的炸咕嚕肉，外脆裡面嫩滑多汁，沾上滿滿的酸甜汁，本來以為幾肥膩的菜式，亦都變得相當醒胃好味。
我和同事都分別叫了兩杯好夢幻的夏日特飲，奉上的時候亦都飄起陣陣煙霧，感覺冰涼又仙氣。
左邊那杯 Blue Sky，鮮藍色配鮮黃色檸檬的色調，賣相吸睛，味道都清甜可口。
這杯青瓜莫吉托，裡面粒粒新鮮青瓜，配以多片薄荷葉，青瓜味道清新無比，亦帶點薄荷的清涼，沒有 Blue Sky 那麼甜，感覺比較健康。
亞萊泰 (天水圍分店)
天水圍天華路 33 號 T Town 北翼 N211 號舖
營業時間：星期一至日 07:00 - 23:00
Openrice 食評：click here
Openrice食評
這裡有我 Bel Bel 的生活和好物分享~ 歡迎各位來探我喔~
♥ Facebook Fan Page | Instagram | Google+ | Openrice ♥
E-mail ♥ bforbel@gmail.com
留言列表
健康纖體 (6)
