Bel Bel's Lifebook ♥ 自言自語

各位好，又係我可愛貓呀。話說主人成個新年假期都無帶我出去玩呀，因為她扭親隻左手臂喎... V_V

講起上黎主人都成兩個月無帶過我出去玩喇... 咁小灰象 (灰心小象) 早前邀請我出黎參加他主人灰帥哥 (灰先生) 「2 歲」生日會，咁我就叫主人帶我去喇。主人都好俾面抽空出席，仲帶埋我同埋阿妹 (富貴貓) 一齊去玩，因為她真係好忙架。

(註：灰帥說他的「男人」年齡是 2 年，所以便說「2 歲」了。)

有得玩有得食的活動，我就最鍾意架喇，主人之前去個 d 品牌活動，我真係無興趣呀，喵~

灰帥哥的生日會在銅鑼灣優食橫町裡的小平律舉行，主人話都唔係好難搵啫，因為她去左世貿中心拿左 Barbie Lipgloss 後，行過天橋就見到喇~ 但係她話部愛瘋的 Google Map，好似有少少老點左她喎。

一入到去餐廳，我同阿妹就被抓左去門口，同小灰象、阿羊和小豬一齊迎賓了。我地兩姊妹仲吊住在阿羊隻耳仔添...

小灰象口口聲聲話想約我既，但係我一黎到，他都唔睬我既！於是主人就叫灰帥哥好好指導下小灰象。
小灰象在他主人的教導下，他就立刻攬住我喇... (呢個係小象同人打招呼的方式嗎？)

阿妹做乜又黐埋黎搶鏡喎，唔制呀！>.<

阿羊同埋小豬都話「無眼睇」喎！

「灰帥哥，做乜捏我喎，好痛喲！」

今晚出席的灰帥粉絲共有 16 人，真係熱鬧：(排名不分先後)

1. 貓比斯（幫忙活動統籌）

2. Him（大會御用攝影師）

3. 金田一

4. 太后

5. 幸蘴

6. 紫翎

7. Dozy

8. nic

9. 伯爵麵

10. Ivy

11. Mike兄

12. 謝天下

13. miu

14. Bel Bel

15. 豬豬 

16. 逸之兄（神秘嘉賓）

呢個魚生飯好特別架，係一件生日蛋糕黎，仲好好味添呀！

我地唔客氣喇！祝灰帥哥生日快樂！^o^

原來，小灰象都好為食架，哈哈！

而且仲好有禮貌，又有 gentleman 風度~

呢碗木魚蟹籽飯，都好好味架，有 Wasabi 味，又有少少酸酸地，味道真係好多層次!

今晚灰帥哥仍然都係咁帥，又受歡迎，如果他講野可以放一點便更好了。

今次安排左一間房俾我地咁多人，我們就可以自成一角，好似 private party 咁，不錯。之但係空間可能唔夠大，而且 d 人食完飯可能唔願郁，如果可以安排到調下位，咁就可以令各位都有機會同每一個人輪流傾計啦。

另外 Him 還給我們看了去長洲拍的櫻花樹照片，好靚呀！攪到我又諗起主人兩年前帶我返家鄉日本睇櫻花呀~ 如果主人又再次帶我去日本去睇多次櫻花就好喇...

仲有，今日終於都見到我想見好耐的逸之先生了。他返到黎香港後，唔做先生，唔知他有乜野打算呢？他仲每人派一條人形餅做手信添。

主人仲話都係逸之先生比較了解她的想法，所以她都好高興逸之先生返黎香港，希望他返港後事途順利啦。

講左咁多野，不如我介紹下我地今晚食左乜野呀，都好好味架！我覺得值得再去的。我們 16 人叫左好多野食，平均消費好似係 $220 左右，唔太貴啦。

呢碗係 Wasabi 味魷魚和墨魚粒。

烤魚干，十分好味，薄切又唔靭，又香。

煎魚 (係乜野魚呢？)，都不錯。

壽司卷

豆腐夾鰻魚，豆腐被炸過的紫菜包住，外面卜卜脆，但豆腐卻很軟滑，口感特別又好味，可是太燙口了。

天婦羅

牛油果蟹籽卷

瑞士雞翼餃子

煎雞翼餃子，雞翼裡面釀了蟹籽和雞肉，咬下去覺得肉質很軟滑。

煎雞翼餃子被咬開後的樣子

剌身拼盤

洋蔥牛肉飯

甜品是雪糕球。主人叫了綠茶雪糕，都頗有綠茶味，但伯爵麵叫了豆腐雪糕，卻說豆腐雪糕沒有豆腐味。

臨走前我們仲影左大合照，我地兩姊妹仲騎在小灰象頭頂影相添，喵喵~

係喎，有些相係 Him 哥哥幫我們影架，呢篇 blog 借幾張 Him 影的相放上黎先，唔該晒。

今次講到呢度先，下次再見啦~~ ^3^