Bel Bel's Lifebook ♥ 自言自語

Hi 某位新婚的舊同事,

唔估到你會肯打咁大段野, 同我分享你的經歷, 謝謝你。

其實唔知點解, 當我對住心儀的人就會失控。在五年幾前識到上一個男友, 其實諗番起佢個人好好, 又好錫我, 但係有時我為左證明他係咪真係鍾意我, 我就成日不自覺地發脾氣, 仲試過幾次要脅分手。都因為佢係個工作狂, 成日都唔得閒同我傾電話&和我去街, 於是就向他發脾氣。

我同佢最後一次傾電話個晚, 我問佢「你仲愛唔愛我?」, 佢居然答「唔知」, 咁我再問佢, 佢就答我「唔愛」, 於是我就話要分手。本來我以為佢會好似上次咁, 會黎tum番我, 點知就一去無回頭了...咁當年我老豆都打俾我ex, 點解我們要分手, 我ex話我實在太難頂...

期間呢五年幾六年, 我都再無遇上互相喜歡的某人, 可能係報應吧...

五年後的去年冬天, 我在 speed dating 遇上一個互相喜歡的男人, 不過我們未開始便結束了。點解? 因為我居然又再重蹈覆轍...

不過都因為呢個男人, 加上我又咁得閒 (因為失業), 才令我好好去反省, 同埋都睇左好多有關兩性愛情的文章, 諗下點解人地可以咁幸福, 但係點解我咁失敗呢?

我覺得愛情呢樣野絕對有得學習。你都講得好岩, 想要好好相處, 便先要改善自己, 互相付出, 而且真的不要迫對方為自己做d乜...相處係難, 但係正如我所講, 點解咁多對夫婦情侶都得, 但點解自己唔得?

我相信你和你老公一定會幸福。希望有機會既話, 我們可以交流一下。

謝謝你的祝福, 我也正努力尋找我的Lover。你和你老公都要好好相處, 祝你們永遠幸福快樂！